Светиот Јован Богослов
Posted By Macedon on October 9, 2023
~+~
АПОСТОЛ НА ЉУБОВТА
Красноречието на философијата човечка не е во состојба да ја изрази,
ниту умот на плотскиот човек да го сфати она што ти ни го објави за
беспочетното Битие на Триипостасниот Бог; зашто, слично на Мојсеј,
ти во громови и молњи на гората од Бог ја прими тајната на богословието,
и на светот му објави: дека во почетокот беше Словото,
од искона нераздвоено од Отецот, дека Он е причина на сè што постои,
дека Он е светлина на животот, која темнината не може да ја обземе.
Со такво блескање на светлината на Вистината Божествена,
ние те почитуваме како тајник на беспочетната Троица,
и те славиме како најсовршен богослов:
Радувај се орелу, кој си летнал до самиот пламенолик престол Божји!
Радувај се, ти, кој недостижните тајни Божји ни ги откриваш!
Радувај се, ти, кој човештвото и Божеството Христово ни ги објаснуваш!
Радувај се, кој на љубовта кон Бог и ближниот нè учиш!
Радувај се, ти, кој за таа љубов присуството Божјо ни го ветуваш!
Радувај се, Јоване апостолу, љубимецу Христов и богослову![1]
Богочовекот Исус Христос е потполно совршен и непроменлив. Совршена љубов и совршена слобода. Се воплоти заради нас, за да ни ја даде Неговата совршена љубов, односно да ни се даде Самиот Себе. Колку ние Го имаме, тоа најмногу зависи од нас. Со слободата со која Бог нè обдари, ние одлучуваме колку ќе возвратиме на Неговата љубов и колку ќе Го прифатиме, односно ќе Му оставиме простор во нас.
Светиот апостол Јован бил возљубениот ученик Христов, оној кој Исус „најмногу го љубеше“[2]. Но не дека Христос него го возљуби повеќе од другите, затоа што тој еднакво сите ги љуби, туку поточно, свети Јован Го возљуби Него повеќе од сите. Љубовта е поврзана со отвореноста. Бог е секогаш потполно отворен за сите и ни се дава на сите еднакво, но очигледно е дека отвореноста на светиот апостол Јован кон Господ била поголема од онаа на другите, и затоа Христос му ги открил најголемите тајни.
(more…)
